*ພິ­ທີ​ມອບ​ລາ­ງວັນ HONDA YES Award ປະ­ຈຳ​ປີ 2011 ໄດ້​ມີ​ຂຶ້ນ​ໃນ​ວັນ​ທີ 7 ທັນ­ວາ 2011 ຢູ່​ຄະ­ນະ​ວິ­ສະ­ວະ­ກຳ​ສາດ​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ ໂດຍ​ມີ​ທ່ານ ຮສ ດຣ.ສາຍ​ຂອງ ສາຍ​ນະ​ສິນ ຮອງ​ອະ­ທິ­ການ​ບໍ­ດີ​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ ທ່ານ ໂຢ​ອິ​ຊິ ຮາ​ຣາ​ດະ ຫົວ­ໜ້າ​ຫ້ອງ­ການ​ບໍ­ລິ­ຫານ​ມູນ​ນິ­ທິ​ຮອນ​ດາ ຕາງ­ໜ້າ​ສະ­ຖານ­ທູດ​ຍີ່­ປຸ່ນ ແລະ ແຂກ​ຖືກ​ເຊີນ​ກ່ຽວ­ຂ້ອງ​ເຂົ້າ​ຮ່ວມ.

*   ເພື່ອເປັນການສືບຕໍ່ປັບປຸງ 3 ອົງການຈັດຕັ້ງຂອງຕົນເວົ້າລວມ ເວົ້າສະເພາະ ກໍ່ຄືຄະນະວິສະວະກໍາສາດໃຫ້ນັບມື້ ນັບດີຂື້ນເທື່ອລະກ້າວ. ສະນັ້ນ ຄະນະວິສະວະກໍາສາດ ຈຶ່ງໄດ້ຈັດໃຫ້ມີບັນແຂ່ງຂັນ 3 ດີ ໃນໄລຍະທີ IV ຂອງ 3 ອົງການຈັດຕັ້ງຂອງຕົນຂຶ້ນ.

*   ພິທີດັ່ງກ່າວໄດ້ຈັດຂຶ້ນ ໃນຕອນບ່າຍຂອງວັນທີ 30 ພະຈິກ 2011 ທີ່ຜ່ານມາ. ທີ່ ສະໂມສອນ ຂອງພາກວິຊາ ວິສະວະກໍາ ເອເລັກໂຕຣນິກແລະໂທລະຄົມມະນາຄົມ, ຄະນະວິສະວະກໍາສາດ, ໂດຍການເປັນກຽດເຂົ້າຮວ່ມໃນພິທີ ຂອງ ທ່ານ ຮສ ແກ້ວອຸດົມ ແສນສະຫວັດ ຄະນະພັກມະຫາວິທະຍາໄລແຫ່ງຊາດ, ເລຂາຄະນະພັກ ຄະນະວິສະ ວະກໍາສາດ. ທ່ານ ສີແສນສຸກ ອິນສະຫວັນນຸວົງ ເລຂາຄະນະພັກມະຫາວິທະຍາໄລແຫ່ງຂາດ. ທ່ານ ນາງ ສີອໍາພອນ ອຸໄທ ເລຂາສະຫະພັນແມ່ຍິງຄະນະວິສະ ວະກໍາສາດ. ບັນດາຄະນະພັກຮາກຖານ, ຫົວຫນ້າພາກວິຊາ, ອາຈານ ແລະ ນັກສຶກສາທີ່ນອນຢູ່ໃນ 3 ອົງການຈັດຕັ້ງມະຫາຊົນ ພາຍໃນຄະນະວິສະວະກໍາສາດ ເຂົ້າຮ່ວມຢ່າງພ້ອມພຽງ.

*   ໂດຍການໃຫ້ກຽດປາຖະກະຖາຂອງ ທ່ານ ສີແສນສຸກ ອິນສະຫວັນນຸວົງ ເລຂາຄະນະພັກ ມະຫາວິທະຍາໄລ ແຫ່ງຊາດ ເຊິ່ງໄດ້ມີການສະຫລຸບກ່ຽບກັບແຜນງານຂອງ 3 ອົງການຈັດຕັ້ງມະຫາຊົນ ໃນໄລຍະທີ່ຜ່ານມາ ກໍ່ຄືໄລຍະທີ III ແລະ ໄດ້ມີການວາງແຜນງານໃນໄລຍະຕໍ່ຫນ້າຂອງຕົນໃຫ້ແກ່ສະມາຊິກຂອງຕົນໄດ້ຮັບຮູ້ ແລະ ພ້ອນກັນປະຕິບັດໃຫ້ປະກົດຜົນເປັນຈິງ.

*   ເພື່ອເປັນການເຜີຍແຜ່ທຶນການສຶກສາຂອງ AUN/SEED-Net ໃຫ້ແກ່ບັນດາອາຈານ ແລະ ນັກສຶກສາ ພາຍໃນຄະນະວິສະວະກໍາສາດ ໄດ້ຮັບຮູ້ແລະເຂົ້າໃຈກ່ຽວກັບການໃຫ້ທຶນຂອງ AUN/SEED-Net.

*   ສະນັ້ນ ຄະນະວິສະວະກໍາສາດ ແລະ AUN/SEED-Net ຈຶ່ງໄດ້ຈັດພິທີດັ່ງກ່າວຂຶ້ນ ໃນຕອນບ່າຍ ຂອງວັນທີ 09 ພະຈິກ 2011 ທີ່ຜ່ານມາ, ຢູ່ທີ່ ສະໂມສອນໃຫ່ຍ ຂອງພາກວິຊາ ວິສະວະກໍາເອເລັກໂຕຣນິກແລະໂທລະຄົມມະນາຄົມ, ໂດຍການໃຫ້ກຽດເຂົ້າຮ່ວມໃນພິທີ ຕາງຫນ້າຈາກ AUN/SEED-Net, ທ່ານ ຮສ.ດຣ ຄຳຜຸຍ ສຸດທິສົມບັດ ຮອງຄະ ນະບໍດີ ຄະນະວິສະວະກໍາສາດ, ທ່ານ ສົມພອນ ກັນທະວົງ ຫົວຫນ້າພາກວິຊາ ວິສະວະກໍາຄອມພິວເຕີ ແລະ ເທັກໂນໂລຢີ ຂໍ້ມູນຂ່າວສານ ພ້ອມດ້ວຍບັນດາອາຈານ ແລະ ນັກສຶກສາພາຍໃນຄະນະເຂົ້າຮ່ວມຢ່າງພ້ອມພຽງ.